Elia Loft

What a great host! Davit was just a whatsapp msg away when we needed help. The place is very cozy and you see the snow capped mountains right from your bed. Surreal mornings!

Great location and great house itself

Beautiful property and location.

البيت جميل جدا وتصميم رايق موقعه أعلى القرية ويبعد عن السنتر 18 دقيقة مشي مع طلعات يمكن ماتناسب كبار السن بس ممتع المشي بالجو الحلو. الشارع اللي فيه المحلات والمطاعم يبعد 15 الى 18 دقيقة وفيه نزلات ماهو متعب وطول ماأنت نازل الاطلالة جميلة جدا على الجبال والقرى المقابلة. البيت مجهز بالكامل للطبخ والتنظيف والاستحمام المناشف موجودة والصابون ومندايل الحمام -ماعدا مناديل اليد او الوجه وهو شي لاحظته هنا بجورجيا مايعترفون فيها- موجود مناديل الأكل كثيرة. الرول اللي بدورة المياة كفانا يومين وخلص قبل طلعتنا ما اضطرينا نشتري او نطلب فرش الأسنان مع معجون صغير كانت موجودة مع علب صغيره لشور جيل وشامبو. اهم حاجة عندنا موجودة وهي الشطاااااف موجود الشطاف وشغال تمام ونظيف له مكان خاص يتعلق ومرتب. أدوات الطبخ أشواك ملاعق قدرين ومغرافات وأكواب قهوة 3 كبار و2 صغار وركوة القهوة التركية مع البن التركي والقهوة السوداء وغلاية الماء كلها متوفرة. الصحون نوعين صحون شوربة وصحون كبيرة. وفيه أكواب الزجاج 3 للعصير و3 لغيره. الملح والسكر والفلفل الاسود موجودين. وفيه منشفة للمطبخ وصابون فيري واسفنجة جديدة فتحناها من كيسها. الثلاجة وسط وتكفي كثير أشياء والفريزر صغيره بس تكفي من 3 الى 5 اسفاط لحم او دجاج. المجلس فيها كنبة تكفي 2 وكراسي ل3 اشخاص صغار. وفيها بطانية صغيرة وطاولة قهوة ورفوف لوضع الشنط ومراية طويلة مع علاق جاكيتات. غرفة النوم بالدور الثاني فيها كمدينتين ورفين للملابس واطلاتها ولا في الخيال. بالليل تشوف النجوم والصباح انعكاس ضوء الشمس على الجبل. المخدات جدا مريحة والمرتبة حلوة مايلة لليونة مناسبة جدا. الدرج اللي يودي للغرفة قد لايناسب كبار السن أو اللي عنده مشاكل في الركب ينتبه لأن الدرجات متبعاعدة عن بعض الحلو فيه مايزلق وثابت مايزعج. الجلسة برا جدا جميلة ورايقة وفيه مرجيحة كبيرة تقريبا تكفي 3 أشخاص -كنت في البيت اللي بالنص- اما البيت اللي يسارنا مرجيحتهم مقعد واحد واللي يمينا ماعندهم. الاطلالة كانت أهم حاجة في السكن هنا. اطلالة جدا جميلة ووقت مايكون الجو صافي تشوف الجبل واضح جدا وقمته عليها ثلج وانعكاس الشروق جميل جدا والغروب يصير المنظر عجيب. فيه مطعم يوصل بعشرين لاري ويجي خلال 20 دقيقة طلبنا منه خاشبوري كان لذيذ ينفع وقت الازمات.