شقة شاطيء النخيل -بالما كورت

كل حاجه زي الفل الناس محترمه الخصوصيه كل حاجه زي الفل فاقت توقعاتي

اللوكيشن االلي هيتبعتلك علي الايميل مش صح فاسال ازاي تروح منتجع بالما كورت

الشقة نضيفة و جميلة و الحجة وفاء صاحبة الشقة ست محترمة و ذوق جدا و خدومة. المكان حلو بيطل ع بسين و شجر لانه منتجع و قريب من الشاطي مش بعيد و المكان مريح جدا

المالك شخص محترم جدا والمكان امان جدا بالرغم من أن المنطقه غير امنه. الشقه نظيفه ومريحه

المنطقه غير امنه وفيها زباله كتير وطريق مكسر ، والشاطئ غير آمن بسبب كثرة النصب. التونايات سواقينها نصابين وبلطجيه. المنطقه بعيده جدا جدا جدا عن اسكندريه ووسط البلد والمواصلات لوسط البلد بتاخد حوالي ساعه ونص بسبب الزحمه الشديده وكمان أجرة المواصلات مش معروفه كل سواق علي حسب عرف ينصب عليك هياخد اكتر ،ده غير أن المنطقه عشوائيه غير سياحيه وغير مريحه ، مواصلاتك لاي مكان في اسكندريه متوفره ولاكن بتحتاج وقت علي متتعرف علي نظامها بس مشكلتها في الوقت. السكن كان شبه خالي أو مهجور مفيش فيه غير بعض الشقق يسكنها سودانيين ومشفتش منهم حاجه وحشه ، اصلا المنطقه تقريبا معظمها سودانيين. جوده المطاعم مش احسن حاجه ،حتي لو قررت تجرب مطاعم وتتمشي في المنطقه هتحس بعدم راحه وبلطجه من السواقين طوال الوقت حتي لو قررت تتجاهلهم. اقرب واحسن شط من المنطقه هو منطقة البيطاش ولاكن مواصلاته هتحتاج تركب ليها 3 تونايات والاجره في رينج 15 الي 20 علي حسب كل سواق هتركب معاه مع أن المسافه مش بعيده اوي جوالي 20 دقيقه او اقل لو الطريق فاضي . تجربه بشكل عام لا اتمني تكرارها.